كورس تصميم الأزياء النسائية المتكامل من الصفر حتى الاحتراف

مرحبا فيكم بكورس تصميم الازياء المتكامل، الكورس الاول والوحيد عربياً عن تصميم الازياء النسائية، رح نتعلم بهاد الكورس كل شي عن تصميم الازياء من الصفر وحتى الاحتراف.

بالبداية، رح نبدا بتعلم رسم مانيكان العرض باكثر من 10 وضعيات مختلفة، من بوزيشن العرض الامامي، او الجانبي، او الخلفي، وكتير بوزيشنات تانية حتى تساعدنا لنصمم أي زي، وبأي وضعية، وبنهاية القسم، رح اعطيكم صور البوزيشنات قابلة للتنزيل والطباعة ع 3 صفحات او صور مختلفة، لتستخدموها بتصاميمكم بدون تأخير وبدون ما ترسمو اي بوزيشن بنفسكم.

رح ننتقل بعدها لرسم الملابس من القبة والكم وطريقة رسمها وتصميمها، ومن ثم والقميص والجاكيت بطرق عديدة الهم.

بعدها رح ننتقل لرسم التنورة باشكال وموديلات مختلفة، واكيد رح ناخد كمان البنطال باكثر من طريقة وبجميع حالاته.

رح نرسم بعدها بعض الخامات متل الوبر او الشعر، الصوف والقطن، والريش، حتى نقدر نرسمهم بأي تصميم لما نحتاجهم.

رحننتقل اخر شي لدرس جدا مهم، وهو عجلة الألوان، لنعرف فيه كيف بيختارو المصممين الوان بتناسب بعضها بشكل رهيب. كيف منقدر نحنا نختار الالوان المتناسقة والمثالية لتصاميمنا؟

رح اعطيكن اسهل طريقة واكثرها فعاليه، مع قاعدة سهلة تخليكم تحفظو الطريقة عن غيب بدون ما تحتاجو ترجعو للكورس.

اما اخر قسم رح يكون عن تصميم ازياء متكاملة من الصفر حتى نعرف بالزبط شلون بصيروا التصاميم من اولها.

رح نصمم زي كاجوال يومي بسيط، وزي سهرة راقي، وزي عمل، وفستان منفوش، واخيرا وليس اخرا فستان عرس ابيض.

هاد الكورس من 5 ساعات ونصف متكاملة، ولما تنتهي من الكورس، رح تحصل على شهادة اتمام من الموقع.

وفي حال ما عجبكم المحتوى ممكن ترجعو ثمن الكورس خلال 30 يوم بعد الشراء.

بالتوفيق الكم يا مصممين، وبشوفكم ان شاء الله داخل الكورس.